【科指ETF點揀】專訪林樵基:唔好第一日急住買!

財金猛人追蹤 17:07 2020/09/04

分享:

恒生科技指數推出一個月,即有南方東英、華夏基金(香港)、恒生投資管理3家ETF發行商推出產品。南方恒生科技 (03033) 首日掛牌,即獲市場追捧,首日基金價格大幅波動,隨着華夏恒生科技 (03088) 、恒生科技 (03032) 兩家ETF先後登場,今次請來光銀國際董事總經理兼研究部主管林樵基分享揀科指ETF的秘訣。

延伸閱讀:【美股見頂未?】專訪黃國英:美股要回吐,兩隻大股拆細已炒到癲!

更多專訪文章,可按【下一頁】

光銀國際董事總經理兼研究部主管林樵基接受《投資理財周刊》專訪時表示,「首先千祈唔好急去追,買貨應該係Buy low,Sell high。第二,要留意ETF是揸實物,還是透過買賣金融衍生工具合成。第三,是市場流動性要足夠,要trade到。若現貨指數升,但無人買賣,ETF個價都會唔郁。當然ETF會有折讓或溢價,但唔會偏離資產淨值(NAV)太多。」

林樵基勸喻讀者,

所以,最好先觀望一陣,上網check record ETF實價應該係幾多,先再部署相關ETF,並留意ETF交投多,先值得買。

林樵基續指,「我會寧願直接買幾隻大科技股,但明白有些人會覺得ETF入場費係較低,或者唔想諗咁多,睇住科技指數升就夠。」

每隻ETF都有流通量提供者,由莊家(Market maker)提供。林樵基指,「Market maker有時無跟得個市咁快,所以要買ETF應該要搵啲大基金去買,要有豐富經驗。Market maker做得好,就會跟貼個價,這方面可能外資經驗較佳。就像盈富基金 (02800) 多年來都是表現穩定,由道富(State Street)管理,資產規模達到逾900億元,流動性充足。」

【ATMX追蹤】阿里巴巴成交激增至215億元破紀錄 受惠恒指及國指換馬效應

新經濟股郁得快

不過,隨着恒指納入更多新經濟股,林樵基指,

盈富基金現在都要睇得實啲,因為新經濟股郁得快,與以前金融股、本地地產股性質不同(股價較少大波動),若Market maker跟得唔夠貼,則基金價格即時與NAV偏差會較大。

 

想部署科指ETF,要睇實ETF的成交量。散戶最驚出唔到貨,又或者拎唔到好價出貨,所以ETF交投活躍是一大重要因素,不要跟風搶科指ETF。

ETF比較多散戶玩,但都會有個別Mutual fund買ETF。若ETF規模細,是難以吸引Mutual fund去買,故規模若能超過百億元,會是較佳選擇。以盈富基金為例,都有逾900億元。」

目前在港上市的3隻科指ETF,資產規模較少,南方恒生科技 、華夏恒生科技  、恒生科技分別為約34億、2.2億和1.3億元。

其他分析文章 / 獨家專訪內容,詳見《投資理財周刊》「封面故事」。

基金布局內循環 搶攻科技消費股

【9月限定優惠】訂閱《香港經濟日報》電子版送口罩一盒!立即訂閱

本報記者:江麗琦

撰文 : 投資理財周刊 Money Times

欄名 : MT專訪

緊貼財經時事新聞分析,讚好hket Facebook 專版